جێگیربوونی پیشەسازیە خۆراكيە مامناوەند و گەورەكان لە پارێزگاى سلێمانى

الملخص

زانینی دەرئەنجامی بەكارهێنانی هاوكێشەی تایبەت بە جێگیربوون بۆ ئەوەیە كە بگەینەدەرئەنجامی ئەوەی كە بۆ ئەو جۆرە پیشەسازیە جێگیرەو بۆ ئەوی تر جێگیر نیە لە قەزایەك ، چونكە جێگیربوونی پیشەسازی بەتایبەتی پیشەسازیە خۆراكیە مامناوەند و گەورەكان لە شوێنێكدا هۆكارە گەلێكی سروشتی و مرۆیی لە پشتە هەر لەخۆە لەوشوێنە جێگیر نەبووە، كە دەبێت دەولەت كار لەسەر ئەم هۆكارانە بكات بۆ گەشەپێدانی هەر ناوچەیەك ، بۆ ئەوەی ئەم بارە لە پارێزگای سلێمانی بزانین توێژەر ئەم ناونیشانەی دانا  و هەستا بە كۆكردنەوەی داتاكانی نێو دەزگاكانی حكومەت و پاشان بۆ كاری مەیدانی بەئامانجی دابەشبوونى پيشەسازيە خۆراكيە قەبارە مام ناوەندو گەورەكان و خستنەرووى جێگیربوون یاخود جێگیرنەبوونیان لە نیو یەكە كارگێریەكانی (قەزاكانی) پارێزگاكە و بەكارهێنانی كەرەستەكان بۆ دەرخستنی دەرئەنجامی سەلمێنراو، میتۆدی بەبەكارهێنراو لەم توێژینەوەدا میتۆدی وەسفی شیكاری یە پشت بەستن بە داتا كۆكراوەكان ، سنوری توێژنەوەكە قەزاكانی پارێزگای سلێمانی بووە كە لە دوازدە قەزا پێك هاتووە و بابەتی توێژینەوەكە پیشەسازیە خۆراكیە مامناوەند و گەورەكانە كە ژمارەیان (٦٥)پیشەسازیە، كە 32.30% ی پیشەسازی گەورەن ئەوی تر پیشەسازی مامناوەندن ، (٢٢١٧)دەستیكاری تێدا كاردەكەن كە٥٨،٧٣%ی ئەمە لەقەزای سەنتەرە، كۆی سەرمایەی وەبەرهێنی ئەم پیشەسازیانە زیاترە لە ٢٢٧،٥ ملیۆن دینار ڕۆژانە، كۆی ئەم پیشەسازیانە ١٦ جۆر پیشەسازین كە زۆرترین پیشەسازیان وەك ژمارە هارینی دانەوێلەیە(بە ١١ پیشەسازی) ، زۆرترین دەستیكار لەم جۆرانە لە پیشەسازی خوادنەوە و ئاوی كانزاییدایە بەریژەی ٢٢،٨٨% ی كۆی جۆرەكانی پیشەسازی ، بەبەكارهێنانی پێوەیە چەندیەتیەكان هاوكێشەی جێگیربوون بۆ دەرخستنی جێگیربوونی پیشەسازی (بەبەكارهێنانی ژمارەی دەستیكار لە پیشەسازیەكاندا) لە قەزاكاندا ، دەركەوت لە پیشەسازیە خۆراكیە مامناوەندەكاندا(كە تەنها لە حەوت قەزا پیشەسازی هەبووە) تەنها قەزاكانی(ڕانیە، دووكان، ماوەت، سیدصادق، شارەزوور) پیشەسازی مامناوەند جێگیرە بەریژەیەكی بەرز ، ئەوانی تر جێگیر نیە تیایندا ، لەپیشەسازیە گەورەكاندا(كەتەنها لە شەش قەزا پیشەسازی هەبووە) هەریەكە لە قەزاكانی سەنتەر، دووكان ، ماوەت ، دەربەندیخان ،  جێگیرە بەریژەیەكی

بەرز ئەوانی تر لێی جێگیر نیە، هۆكارەگەلێك لەپشت ئەم دەرئەنجامانەوەن بۆ جێگیربوونی پیشەسازیەكان دەكرێ بپرسین بۆ ئەم پیشەسازیانە لەناو جۆرەكانی تری پیشەسازی زۆرترین كرێكاری لە خۆ گرتووە ، هۆكارەكەی چیە كە دەكرێت كارگێری حكومەت و ئیدارە خۆجێیەكانی ئەو ناوچانە كار لەسەر ئەم دەرئەنجامانە بكەن كە بۆ لە هەندێك قەزا ئەم پیشەسازیە جێگیرە لە هەندێكی دی جێگیر نیە گرنگی پێبدەن و پلانی داهاتوویان لەسەر ئەمەبێت.