ڕۆڵی وشەپرسەکان لە شیعرەکانی شێرکۆ بێکەس دا

الملخص

 ئەم توێژینەوەیە قسەکردنە لەسەر پرسین و  پرسیار کە لەڕێگەی وشە پرسەکان، یان نیشانە پرسەکانەوە لەناو دەقی شیعرییدا کراون، بە هەموو پێکهاتە و واتا و وێنە .....تاد وەک بەشێکی سەرەکی و دانەبڕاو لە شیعر، چونکە ئەو پرسیارانەی لەدەقی شیعرییدا سەرچاوەدەگرن، چەندین ڕوانین و وەڵامیان هەیە، بەو مانایەی هەندێک کات پێویستیان بە بەڵێ، یان نەخێر بێت، یان زیاتر لە یەک بەڵێ، یان لە ڕووی شیعرییەوە و بەبێ وەڵامێکی دیاریکراو، ئاماژەن بەڕووی ئاسۆیەکی فراواندا دەکرێنەوە، یان پێویستیان بە لێکدانەوەو راڤەو......تاد هەیە، وەک وەڵام و مەبەست.

لەم لێکۆڵینەوەیەدا هەوڵدەدەین شیعرییەتی ئەم وشەو نیشانە پرسانەو کاریگەرییەکانیان لەسەر پێکهاتەو گرنگییان دەستنیشان بکەین، بەمانایەکی تر لە شیعرییەتی ئەو ئامرازە جۆربەجۆرانەی پرسیارکردن دەکۆڵێنەوە، کە لە دەقە شیعرییەکانی شاعیردا بەکارهاتوون، بۆ ئەم مەبەستەش ئەم لێکۆڵینەوەیە کار لەسەر نیشانەی پرس و وشە پرسە جۆراوجۆرەکان دەکات لە شیعرەکانی شاعیردا بەکارهاتوون، بەو پێیەی بەشێکی سەرەکی دەقەکانن و بوونەتە بنەمایەکی ئیستانیکی و گەیاندنی پەیامە سەرەکیەکەی دەقەکە، ئەمە جگە لە لادان ماناو رێساکانی زمان.