رادەی بەرکەوتنی خوێندکارانی زانکۆ و کارلێکردنی لەگەڵ پەیامی پێگە ئەلکترۆنییەکان
خوێندکارانی بەشی راگەیاندنی کۆلێجی زانستەمرۆڤایەتییەکانی زانکۆی سلێمانی بەنموونە توێژینەوەیەکی روپێوییە
الملخص
ئامڕازەکانی میدیا بەردەوام هۆکارێکن بۆ دروستکردنی کاریگەری لەسەر جەماوەر، جا ئەو کاریگەرییە ئەرێنی یان نەرێنی بێت، بەڵام دوابەدوای پێشکەوتنی تەکنەلۆژیا و هاتنەکایەیی میدیای نوێ جۆر و ئاستی کاریگەرییەکانی گۆڕانکارییان بەسەرداهات، تا وایلێهات لەچوارچێوەی سنوردار دەرچوو وەک لەمیدیایی کلاسیکدا هەبوو بۆ کارلێکردن و نەهێشتنی سنور لەنێوان نێرەر و وەرگر، ئەمەش بووە هۆکارێکی بەهێز بۆ گۆڕینەوەی شوێن و پێگە، لەنێوانیاندا، چیتر جەماوەر تەنها پشت بەیەک سەرچاوەی میدیای نابەستێت بۆ وەرگرتنی زانیاری و مەودا و پانتاییەکی فراوان و کەرەستەی بەهێزی لەبەردەستدایە بۆ دەستخستنی زانیارییە گرنگەکانی مەبەستییەتی وەریبگرێت، بۆیە ئەمن توێژینەوە کاردەکات بۆ تیشک خستنەسەر کێشەی ئاستی پشت بەستنی خوێندکارانی زانکۆ بە پەیامی پێگە ئەلکترۆنییەکان، پاشان هەوڵدەدات کار بکات بۆ وەرگرتنەوەی هەندێک وەڵام لەسەر ئەمەنجەکانی وەک، رادەی پشت بەستن بەپەیامی ناو پێگە ئەلکترۆنییەکان لەچ ئاستێکدایە، کام رەگەز زیاتر پشتی پێدەبەستن، پێگەکان بونەتە هۆکارێک بۆ رازیکردن و تێرکردنی خواستەکانی خوێندکاران.
